موقع الكتاب المقدس الاخبارى


العودة   منتدى الكتاب المقدس الاخباري » المسرح الكنسي » نصوص مسرحيات مسيحية
التسجيل التعليمـــات التقويم البحث مشاركات اليوم اجعل كافة الأقسام مقروءة

مسرحيه جامده قوووووووووووووى " جره قلم "

نصوص مسرحيات مسيحية

إنشاء موضوع جديد  إضافة رد
نسخ الرابط
نسخ للمنتديات
 
أدوات الموضوع انواع عرض الموضوع
قديم 02-08-2012   المشاركة رقم: 1
المعلومات
الكاتب:
اللقب:

البيانات
التسجيل: Jan 2012
العضوية: 187
العمر: 35
المشاركات: 2,417
بمعدل : 2.48 يوميا
معدل التقييم: 5
نقاط التقييم: 10
يعقوب is on a distinguished road

التوقيت

الإتصالات
الحالة:
يعقوب غير متواجد حالياً
وسائل الإتصال:

المنتدى : نصوص مسرحيات مسيحية

نص مسرحية : جرة قلم
يقف رجل المزاد خارج المسرح قبل دخول الجمهور ويدعوهم لدخول المزاد وهو يحمل جرس
رجل المزاد :
قرب ...اتفرج خد فكره ...واشتري بكره ...كل حاجة عندنا من الابرة للصاروخ تخفيضات هائلة قرب ... وجرب حظك يمكن تلاقي حاجة تعجبك ولا تلاقي واحد يشتري منك حاجة مش عوزها تعالي يا افندي اتفضلي يا هانم ...مزاد عالمي فريد من نوعه ومعروف علي مستوي العالم كله قرب ...قرب يا فندي قرب يا بيه ....ثلاجات ....تلفزيونات ...مراوح ...انتيكات كلو من مزادنا قرب يابن ادم منك له قرب اتفرج خد فكره واشتري بكره
بعض دخول الجمهور ويجلس كل منهم في اماكنه يدخل رجل المزاد من وسط الجمهور ومعه الجرس .يتحدث امام الافنسيه ثم يصعد علي المسرح .
رجل المزاد :
مساء الخير يا حضرات واهلا بيكم في مزادنا ...ومتشكرين انكم شرفتونا واحب الاول اشرحلكم فكرة المزاد علشان لوحد حب يشارك معانا ولا حاجة ...احنا بنسمع كل يوم في الشوارع واحد بيقول بيكيا واحد تاني بيقول مجنونة يا قوطة وواحد ثالث بيقول ابعلكيا باشا محفظة 6جيب بجنيه وعليها اندكس تليفونات بجنيه ونسمع ونقول يا البياع ده مش بيزهق طول النهار بينده ويبيع ومفكرناش اننا احنا كمان بياعين زيه ويمكن اوحش منه كمان علي الاقل هو بيبيع باع شرعي من غير ما يأذي نفسه ولا غيره كمان بيطلع كسبان بيبيع بضاعته ويرجع اخر الليل راضي ويشكر ربه علي كده وينام مرتاح البال . لكن بقي النسا المتأمعة والملامعة والمتزوقة البياعة بتبيع وهي فكره نفسها كده كسبت من بضاعتها ويا خسارة بتعرف انها خسرانه بعد فوات الاوان ...وعلي فكره احنا هنا مش علشان نقول لحد بيع واشتري كل واحد حر واديني اهو هتفرج معاكم واحكموا انتم عليهم الناس ديه كسبانه ولا خسرانه ...ودلوقتي بعد ما شرحت لحضرتكم فكرة المزاد بنعلن عن بدأ المزاد اللي عمره مهينتهي بنعلن بدأ المزاد .
مشهد ديكور صالة مزاد بعض الاشياء التي يمكن ان تباع في المزاد ومجموعة من الافراد بيتفرجوا علي هذه الاشياء ثم تدخل دنيا وخلفها خطيبها غالي .
دنيا :
انا زهقت بقلنا ساعتين ماشيين علي رجلينا وجعوني اوي ...oh no ايه المكان الغري ده ولا عربيه راضيا تدخل هنا دا كتير اوي اوي اوي over
يدخل غالي ما كل بعض التحف وهو بينهج وملابسه مهرولة .
غالي :
يا حبيبتي ادينا وصلنا اهو ... احنا مبقلناش عشر دقائق ماشين من ساعة ممن ساعة ما نزلنا من التاكسي ...يا دنيا يا حبيبتي يعني متعبناش في المشوار وكويس اننا جبنا كل الحاجات امبارح هنا .
دنيا :
اديك اهو قولت التاكسي ما هو انت لو زي باقيت الناس عندك عربية ما كنتش اتبهدلت كده .
غالي :
يا ستي بكره لما نبيع الحاجات ديه هجبلك احسن عربيه في الدنيا وتبقي هديه جوازنا
دنيا :
متفكرنيش بالهدايا انت فاكر هديه الخطوبة عمله ازاي دا مامي وكل الgroup بتاعي كانت very bad اتريقوا عليها
غالي :
ليه ما انا جبت لك اللي انت قولتي عليه بالضبط خاتم 9جرام والفص اللي فيه 6.5 جرام ويكون الماظ ليه بقي ؟ علشان يبقي اكبر من خاتم بنت طنط استر اللي عريسها جه من الكويت وعلشان الناس ميقلوش عليا اني مش مستوي له بقي ...علشان ...الرجل الشيك لازم يجيب حاجة شيك ليه بقي ...
دنيا :
(تقطعه)خلاص يا غالي خلاص هو انا يعني مستهلش ده ولا ايه
غالي :
تستهلي اكثر من كده دا انتي دنيا حبيتي .اللي مليش غيرها (تليفون دنيا يرن)
دنيا :
هاي شادي عامل ايه rely, and you ,I'm fine
غالي :
من اللي علي التليفون
دنيا :
دا واحد صحبي في حاجة عندك عندك اعتراض علي حاجة
غالي :
طبعا عندي اعتراض مطوليش معاه في المكلمة انت فاهمة بدل مكسر التليفون ده !
دنيا :
نعم انت بتهزر صح your are very fanny من امتي بتتحكم فيا احنا مش اتفقنا علي كده انا حرة
غالي :
منتيش حرة !! قصدي يعني 10 دقائق وخلاص وسلاميلي عليه ماش
دنيا :
Sorry يا شادي ياه دا غالي you are very lovely
المجهول :
(يقاطعه) لو سمحت الساعة كام من فضلك ها الساعة كام
غالي :
ياه الساعة دلوقتي تجلها 8.5
المجهول :
الله الساعة الشيك دي اكيد ثمنها غالي قوي انما قولي انت جاي تبيع ولا تشتري
غالي :
اشتري ...ايه يا عم انا جي ابيع الكراكيب ديه
المجهول :
كراكيب بقي بتسمي التحف الغالية ديه كراكيب دا انت تلاقيك دفعت فيها دم قلبك لحد ما جمعتها
غالي :
لا يا سيدي مش انا اللي جمعتها دا جدي الله يرحمه بقي
المجهول :
متأخذنيش يعني انت ناوي تبعها ليه
غالي :
انا مكنتش ناوي ابيعها لاخر يوم في عمري انت متعرفش الحاجة دي ادي ايه غالية عندي اصل جدي قبل ما يموت وصاني عليها وقالي اوعي تفرت فيها وورثها لعيالك وعيال عيالك
المجهول :
امال ناوي تبعها ليه لما انت بتحبها كده ؟
غالي :
الظروف تحكم
المجهول :
اد كده محتاج للفلوس
غالي :
طبعا محتاجها بس مش عشان نفسي صدقني انا عايز ابيعها علشان ارضي خطيبتي اصل نفسها تسكن في شقة شيك في مكان كلاس اصل دنيا خطيبتي بنت عز ومش وخده علي البهدله وطبعا عايزه تفرش الشقة من باريس ولندن فقلت مقداميش غير اني ابيع التحف وشقة جدي اللي وصاني عليها بس مش مشكلة كلو يهون علشان دنيا خطيبتي
المجول :
بس الحاجات دي ثمنها غالي اوي ما تبيه جزء منها وتخلي الباقي ذكر من جدك علشان ما يزعلش في نمته
غالي :
يارب بس تكفي طلبات خطيبتي انا نفسي مخليش نفسها في حاجة ابدا طول عمري . انما انا متعرفتش علي حضرتك وجاي علشان تبيع ولا تشتري
المجول :
انا ...انا جاي اتفرج وبس بعد اذن حضرتك
يذهب غالي الي دنيا وهي بتتفرج علي بعض الاشياء ويذهب المجهول الي الشاري رقم 2 (ابو السعد بيه)
دنيا :
شوفت انا بسمع الكلام ازاي 9 دقائق بس
غالي :
ايوه كده لازم تعرفي من اولا اني حمش
المجول :
ديه واقع قوي لو عرضت عليه اي ثمن هيبيع علشان القمر ميزعلش ويجبلوا طلباته كلها ...متسبش الفرصة ديه تضيع من اديك
ابو السعد :
بين وبينك انا عايز القمر اللي معاه مش التحف ديه مع انها تساوي كتير مفيش مانع لما اخد التحف والقمر
المجهول :
بس ده صعت قوي دا بيعملها كل حاجة وبيحبها قوي كمان
ابو السعد :
ادينا لسه في اول المزاد هنلعب ونشوف هترسي علي ايه بس ركز انت معي
يدخل في نفس اللحظة ايهاب كامل الكاتب ويحمل بعض الاوراق
ايهاب :
لو سمحت المزاد بدأ ولا لسه
رجل المزاد :
لا يا استاذ فاضل شوية لحد ميتجمع كل الناس اللي هيبيعوا واللي هيشتروا
ايهاب :
الحمد لله انا كنت فاكر اني اتأخرت وفي نفس الوقت انا مستعجل قوي عاوز الحق المطبعة علشان اطبع الرواية اللي انا كتبتها عارف انا بقالي اد ايه بكتب فيها مش هتصدق
رجل المزاد :
اد ايه يعني سنة
ايهاب :
سنة ...بقلك كتير قوي تقولي سنة انا بكتب فيها بقالي 7 سنين و6شهور و19 يوم بالضبط طول الفترة دجيه مش بعمل حاجة غيرها اعدل واصلح لحد ما وصلت لكده .
رجل المزاد :
يااه ...ضيعت 7 سنين ومعرفش اد ايه شهر وكام يوم في شوية الورق دول
ايهاب :
شوية ورق ...اقولك ايه ما انت متعرفش في الحاجات ديه ... الرواية ديه عيلتي واهلي واصحابي وناسي بأختصار علشان مطولش عليك الرواية حياتي فهمت
رجل المزاد :
ايه ...اه فهمت طبعا
ايهاب :
هبسطهالك اكتر انت عندك عيال ؟
رجل المزاد :
ايوه عندي ولد وبنت
ايهاب :
ربنا يخلي يا سيدي ...وانت بتحبهم اد ايه
رجل المزاد :
يااه يا استاذ دا الضني نور العين
ايهاب :
اهو بالظبط الرواية عندى زى عيالك بالظبط قولى ولدتك بتحبها
رجل المزاد :
الله يرحمها بقى طبعا كنت بحبها
ايهاب :
اهو انا بحب ولدتك زى الرواية
رجل المزاد :
(يقطعة) بتحب امى تعرفها من امتى انا لازم اقتلك
ايهاب :
اية يا استاذ انت انا قصدى بحب رواتى ذى حبك لولدتك الله يرحمها مثال بس على العموم انا اسف يا استاذ .
رجل المزاد :
اه بحسب قولى انت والدتك عايشة ولا مع امى فى ملكوت الله
ايهاب :
لامع الست والدتك وهو ده اللى حابنى هنا
رجل المزاد :
اه جى تشترى ام جديدة بدل اللى راحت
ايهاب :
اشترى اية هو انا نازل سوبر ماركت اشترى جبنه مش عيب يا حضرت انت ، فيهزار فى الامهات برضوا
رجل المزاد :
انا اسف مش قصدى اصل انا مش فاهم الربط بين موت والدتك وانك جى المزاد
ايهاب :
افهمك اصل انا والدى والدتى اتوفوا ...
رجل المزاد :
(يقطعة) انا فعلا مش بفهم كان لازم اعرف من ساعة ما قلت ان والدتك اتوفت انك جى تشحت من البهوات اللى فى المزاد انت قطعت قلبى يا عم خد خد متكسفش
ايهاب :
اشحت ... بقلك كاتب وحضرتك تقولى جى اشحت بس دية مش غلطتك دية غلطتى انا اللى واقف معاك (ويذهب فيوقفه رجل المزاد)
رجل المزاد :
حقك عليا بس انا مش فاهم منك حاجة ممكن تقولى على طول انت جى المزاد ليه وانا مش هافتح بقى تانى اهو
ايهاب :
انا ورثت ثلث بيت عن ابويا فجاى ابيعه فى المزاد فهمت
رجل المزاد :
اه فهمت مش تقول كده من بدرى بياع يعنى قصدى جى تبيع ... على العموم دية فرصة سعيدة بعد اذنك علشان ارتب المزاد ... قال بيحب امى قال الناس اتجننت
المجهول :
وانت هتبيع ثلث البيت لوحدك وبقيت الورثة لا
ايهاب :
انا عايز ابيع اللى يخصنى وبس اصل انا عندى اخ واخت بس يا ساتر يارب يطفشوا بلد
المجهول :
ويساوى كتير على كده البيت ده
ايهاب :
اخواتى بيقولوا يساوى بس انا بينى وبينك مش شايف ده اصل انا عايز ابيع واخلص واطبع رويتى انا اسف اه نسيت اعرفك بنفسى انا الكاتب ايهاب كامل اللى انشاء الله هبقى مشهور وحضرتك
المجهول :
ايوة جاى انا هنا تاكسى المعادى يا اسطى
ايهاب :
الناس كلها ضربها السلك واحد يقولى بحب ممته والتانى بيوقف تاكسى واحنا فى صالة مزادات وقال ايه رايح المعادى الناس ضربت خالص
رجل المزاد :
(بعد دق جرس المزاد بطريقته المعروفة)
يلا يا جدعان هنبتدى المزاد كل اللى معاه حاجة عايز يبعها يجى هنا جنبى علشان هقول الكلام مرة واحدة بس وبعد كده هنبتدى على طول اسمعوا يا حضرات
دنيا :
ما تقول بقي علشان نخلص من اللي احنا فيه ده بقي of
رجل المزاد :
ماشي يا هانم هنقول علي طول انا عايز اقول ان المزاد ده مختلف عن اي مزاد تاني يكون حد فيكم حضره يقف يعاني الراجل ينادي ويقول ويزيد في البضاعة لا انا مش هقف ابيع حاجتكم ويتقال عليا بياع لا دية مش شغلتي كل واحد فيكم هيقف يبيع حجاته بنفسه هو حر يقول عليها اللي هو عوزه وكمان هو حر يبيع اللي هو عوزه محدش هيقوله انت بتعمل ايه ...اه بس حاسب من النصابين والنشالين واديني اهو وعتكم ونبهتكم علشان مترجعوش تقولوا مقلناش ومعدلناش واهم حاجة انك تطلع كسبان اهم حاجة تطلع بجد كسبان
ايهاب :
ايه الفضايح دية حد يعمل كده يقولوا ايه الصحفيين عليا بعد كده كان بيبيع ورثه في مزاد من المزادات ...يلا بس كلوا يهون علشان خاطر رويتي
رجل المزاد :
هنبتدي المزاد ...اتفضل يا استاذ يلا كنت مستعجل قوي اتفضل بيع
ايهاب :
انا اسمي ايهاب كامل مؤلف روائي ...انا جاي ابيه ميراثي في بيت ابويا نصيبي ...نصيبي فيه ثلث البيت الكبير ومساحته ممتازة يعني الثلث دا جزء كبير وبتدخل الشمس فيه طول النهار وكمان موقع ممتاز
ابو السعود :
امال عايز تبيعه ليه لما هو بسطك كده وعجبك قوي كده وبتقول انه مشمس مساء وظهرا
ايهاب :
البيت زمان كان بنسبالي جنة بحب اقعد اكتب فيه علي طول لكن اخواتي بقي الله يسامحهم كرهوني فيه طول الوقت خناق وزعيق مش عجبهم تصرفاتي ...قلت خلاص ابيع نصيبي وبكده اكون اتخلصت من كل مشاكلي وابقي خلصت من وصابة اخوي الكبير ومشاكل اختي واهم حاجة في دول هيكون معايا فلوس كتير اقدر اطبع روايتي بنفسي وساعتها الناس هتشاور عليها وتقول الاستاذ الكاتب الكبير ايهاب كامل وبكتب اسمي علي الكتب وصوري تملي في المجلات والناس يشاورا عليا ويقولوا الاستاذ الكبير راح والاستاذ الكبير جه وطبعا بكده هكون كسبان وكمان اللي هيشتري هيكون كسبان
ابو السعود :
خلاص انا نويت اشتري منك البيت انا المعلم ابو السعود بيه هو الموقع بتاعه فيه
ايهاب :
اهلا وسهلا يا فندمخ انا ايهاب كامل الكاتب
ابو السعود :
خلاص هي سيرة يا حضرة ما انت قولت اسمك قبل كده عشرميت مرة خلاص انا بستفسر دلوقتي علي البيت المعروض للبيع فين يا ذوق
ايهاب :
يا ذوق ...البيت في مكان ممتاز جدا ممكن يتعمل عمارة كبيرة او مصنع او مشروع
ابو السعود :
ديه مش قصتك يا ذوق هعمله ايه علي العموم انا هشتري نصيبك في البيت بعشرين الف جنيه راضي يا حلاوة
ايهاب :
يا فندم قول لحضرتك ثلث بيت ومساحة كبيرة وموقع ممتاز تقولي 20 الف بس
ابو السعود :
خلاص نخليهم 21 الف إلا 800 متقلش حاجة تانية بقي
ايهاب :
دول ميطبعوش الغلاف بتاع الرواية لعدد النسخ اللي عوزه يا معلم بيه ارجوك اديني سعر مقول شوية انا محتاج اضعاف الرقم ده .
ابو السعود :
يا عم يفتح الله دا ثلث بيت اعمي وتلاقي اخواتك دول لبط وهيقرفوني ادخل في قواضي ومحاكم ويعالم في الاخر ايه اللي هيحصل
ايهاب :
لا اخواتي طيبين علي الاخر مش بتوع مشاكل خالص ولا بتوع قواضي ولا محاكم ولا حاجت من دية صدقني دول زي الحمل الوديع
ابو السعود :
طب بقلك ايه يا استاذ انا جتلي فكرة في راسي لسه طازة متجبلي اخواتك اتفاهم معاهم يمكن اخذ البيت شروة واحدة لكشه علي بعضه علي فكرة انا بستجدع معاك علشان انا امنت بالقضية اللي عليك ونويت اساعدك قولت ايه يا ذوق
ايهاب :
بس انا معتقدس ان اخواتي هيوافقوا يبيعوا
(ويأخذ الموبايل يتصل باخواته)
ايهاب :
الو ايوة يا ناجي انا ايهاب بقلك ايه عيزك ضروري دلوقتي لا خير مفيش حاجة بس تعاله بسرعة في العنوان ده ...وهات اختك معاك دلوقتي ضروري ماش يلا باي باي ...
رجل المزاد :
خلاص يا استاذ اتفقت مع الشاري اعقد بقي علشان تدي الفرصة لبياع غيرك تقوم بعرض بضاعته اتفضل يا استاذ اللي بعده
غالي :
انا غالي عزيز ....انا اجي ابيع تحف قيمة جدا اصليبة مش تقليد قديمة او بس لحد دلوقي زي مهي وانا بتمني اللي يتفضل مشكرو هيشتري المجموعة يشتريها مع بعض الحاجات ديه كلها لما بتيجي ما بعضها بيبان قيمتها وكما اخد الفلوس كلها علي بعض مرة واحدة ها يحضرات محدش قال كلمة طب انا هعمل خصم 3% للي هيشتري المجموعة كلها دلوقتي شوفوا جمال التابلو والفاز ولا التماثيل ديه كلها قطعة من دول تساوي كنوز
ابو السعد :
واحن اش عرفنا انا الحاجات ديه اصلية ومش تقليد
(يوجه حديثه لدنيا)
غالي :
لا يا فندم لحضرتك المجموعة كلها اصلية انت فعلا انسان بيقدر الفن والجمال مقلتش يا استاذ هتدفع فيهم اد ايه يا يا استاذ هتدفع فيهم كام
ابو السعد :
هدفع فيهم 50 الف جنيه دا علشان خطرك بس (يوجه نظره لدنيا)
دنيا :
فالح بس تقلي دول يساوي ملايين وهتجبلي الشقة والفرش اللي عازاه يلا بقي بينا فضحتنا اودي وشي فين من الناس no ohيا ششماتت طنط استر فيا
غالي :
استني بس يا دنيا يا حبيبتي يا استاذ حضرتك عارف ان الحاجت ديه تساوي اكثر من كده بكتير وان السعر اللي حضترك قلته مش مناسب ليهم خالص
ابو السعد :
انا عارف ان الحاجات ديه قيمة وتساوي اكثر لما تتباع كلها كملة مع بعضها والمجموعة ديه ناقصة حاجة مهمة انا تاجر تحف نسيت اعرفك بنفسي انا الملياردير ابو السعد ورجل اعمال وتاجر تحف
دنيا :
ميلياردير اتشرفنا يا فندم
غالي :
حصلنا الشرف بس الحاجات كلها كاملة مش فاضل حاجة . اه قصدك ميكنش قصدك علي الباب
ابو السعد :
الله ينور عليك الباب
غالي :
فعلا جدي كان دايما يوصيني ويقولي ان الباب ده غلاي اوي وجامد جدا متقدرش عليه لا حرمية ولا حتي عاصفة ولا اي حاجة من دية تقدر تأذيني طول ما انا في البيت وقافل الباب عليا .
ابو السعود :
شوفت بقي روح هات الباب وان هديلك الفلوس كاملة وانت واقف ها قلت ايه
دنيا :
هيقو ايه باب ايه وشباك ايه هيبعه طبعا ولما يبقي عندنا فلوس نجيب باب حديد مش باب خشب مهكع ومبهدل الفلوس هي اللي هتحمينا مش باب ولا ترباس يلا بقي روح هاتوا لا يرجع في كلامه .
غالي :
انت مش هتيجي معايا ولا ايه
دنيا :
لاء انا تعبانه اوي من المشوار وكمان علشان اخلي بالي من الشاري لحد يخطفوه منا روح وانا هستناك بقي اتلحلح باي باي
غالي :
طيب هروح خالي بالك انت علي نفسك وان هخلع الباب بسرعة واجي (يخرج)
ابو السعود :
علي فكرة يما مذمزيل لو الافندي بتاعك جاب بقيت الانتكات هشتريهم منكم وبزيادة شوية كمان
ابو السعد :
بقلك ايه احنا هنقطع علي بعض اخلع انت من البيعة ديه اصلها لزماني اوي
ابو السعود :
ايه انت نسيت ان كل حاجة في الاخر هتتقسم علينا بالتساوي يعني سواء انت اشتريت ولأنا ولا حتي اخونا الثالث مهو لينا برضوا ولا ايه
ابو السعد :
لا انا اقصد حاجة تانية خالص متخليك مفتح بقي وافهم قصدي
ابو السعود :
اه فهمتك يا سلام دا انت لو عملتها تبقي ايه كسبان تمام
ابو السعد :
طلما فهمت بقي فهم اللي ميخوش جنب البيعة لا الخطة بتاعتي تبوظ قلهم البيعة خلاص يلا بقي زق عجلك
ابو السعود :
طيب بلاذن مذمزيل
دنيا :
(I am happy to met you) باي
ابو السعد :
؟؟؟؟؟؟؟؟؟؟؟؟؟
دنيا :
بقالي حوالي سنتين ومن ساعة ما اتخطبت وانا بتحايل علي غالي يبيع التحف والانتيكات بتاعة جده يرد عليه ويقولي ديه من ريحه جدي اصل جدي وصاني اوعي تفرض فيها متقلش خلاص الحاجات ديه مهمة قوي ولا جده ده شيفه لو بعهم
ابو السعد :
بتتحيلي عليه دا نا لو خاطب او متجوز وحدة في جمالي ورقتك ابيع علشانها الدنيا وما فيها مش شوية تحف وانتيكات انت اللي زيك يقعد عند رجليها يبقي خدام ليها العمر كله
دنيا :
(تسرح في حديثها) ما غالي بيحبني اوي ومستعد يعملي كل حاجة تخليني مبسوطة بس كان هيعمل ايه ظروفه مكنتش كويسة واهو ربنا بعتك لينا تشتري مننا تحف جده وهتدينا الفلوس علشان اعمل البيت اللي عوزاه
ابو السعد :
بيت بيت ايه انسة دنيا انت مقامك فيلا . حتي الفيلا مش مقامك . انت مقامك قصر قصر ارضه ذهب وحطانه فضة وتلبسي حرير في حرير من احسن محلات ومش من هنا ومن لندن وباريس انا بصراحة يا دنيا من اسعة ما شوفتك وانا حاسس ان حالي اتقلب
دنيا :
حضرتك بتقول ايه انت عارف اني مخطوبة وخطيبي بيحبني دا هيبيع الحاجات ديه كلها علشاني
ابو السعود :
هيبيع علشان خاطر نفسه انت فاكرة ان الحاجات ديه تجيب حاجة تبقي غلطانة طبعا الحاجات ديه متسويش حاجة لو عطهالي ببلاش مرضاش اخدها ان بس قلت كده علشان تيجي فرصة واعرف اكلمك
دنيا :
بتقول ايه ازاي دا الحل اللي كان هيحللنا كل مشاكلنا طب متشفهم كويس يمكن تكون غلطان
ابو السعد :
يعني انا كذاب ولا مش بفهم لا انا بقلك ان الحاجات ديه فلصا ومتسويش
دنيا :
يا عيني يا غالي ده لما يجي هيتصدم صدمة عمره
ابو السعد :
يتصدم ايه اكيد كان عارف بس كان بيضحك علي بنات الناس بقصة تحف جده ديه . متخفيش انا مش هيسيبك في الظروف ديه انا مستعد ادفع ملايين كلها وتبقي مبسوطة
دنيا :
انا مش عرافة اقولك ايه علي كرمك معايا يا ابو السعد بيه بس الناس هتقول ايه سابت خطيبها علشان الفلوس
ابو السعد :
ناس ايه بس يا دنيا المهم مصلحتك الناس هتنفعك في ايه لما متلقيش تاكلي ولا تخرجي وتتفسحي مع الراجل النصاب الفقير ده والاهم ن ده كله ان بحبك ومش هتلاقي في الدنيا حد يحبك زي
دنيا :
انا مش عرافة افكر طب غالي هيقول عليا ايه
ابو السعد :
تاني هتقولي غالي ...غالي لو في نفس مكانك كان باعك انت نسيتي اللي عملوا فيكي دا انسان كداب ومخادع انت لما يجي ترمي الدبلة في وشه . دا انت تبلغي فيه البوليس اللي كان هيعملوا فيكي
دنيا :
بس الراجل اللي كان لابس فستان قال انها تساوي كتير
ابو السعد :
ناس معندهاش خبره في التحف ...قولي بقي انك موافقة وانا هخليكي اسعد انسانه في الدنيا
دنيا :
خلاص انا موافقة يا ابو السعد بيه ...ياي اف دي ريحته وحشه قوي دا جاي يبيع ايه دا ... انا رايحة انا رايحة اصلح الميكاب بتاعي وجايه
مارك :
انا فعلا معنديش حاجة ابعها غير ...غير نفسي انا قلت اجي المزاد دا اشوف حد من البهوات يشوفلي شغلانه تجيب فلوس كويسة وكمان تاخد وقتي كله اشتغل 24 ساعة في 24 ساعة
ابو الجود بيه :
يعني ايه في شغل 24 ساعة اكيد هتروح تريح شوية في بيتك
مارك :
بيتي متفكرنيش انا بقالي سنتين ولا اكتر والله ما انا فاكر متجوز امتي متجوز واحدة كل صلتي بيها انها بنت عمي ولازم اتجوزها علشان الورث ما يطلعش بره وازاي نرمي لحمنا لحد غريب كان عرمها ساعتها 16 سنةوكان عندي 20 سنة كنت طالب في كلية الهندس مخطط لحياتي حياة جميلة مع شريكة حياتي اللي اختارتها لكن فرضا عليا حياة انا مكنتش عاوزها
ابو الجود :
بس هما مش غلطنين ديه عندها فلوس يعني دا في مصلحتك هما كده عندم حق
مارك :
انت عارف المثل اللي بيقول يا اخذ القرد علي ماله يضيع المال ويفضل القرد علي حاله
ابو السعد :
ايه الامثال المستفزة دي ...اتكلم بأسلوب راقي شوية
مارك :
من غلبي واحنا لسه في اللي بيقولوا عليه شهر العسل ابوها وابويا كانوا دخلين في صفقة كبيرة حطين فيها كل فلوسهم وراحت ... وراحت معها كل حاجة ...وبقيت انا مارك الطالب في كلية الهندسة مسئول عن علتين ابويا وامي وعمي مراته ومراتي في لحظة واحدة اتهدت كل حاجة لدرجة اننا فعلا في ايام ماكناش لاقين ناكل انا اللي كنت اكل الصبح في مكان والظهر في مكان والعشا في مكان تاني ...مش لاقي اكل انا اللي كنت اللي البسه الصبح ...ملبسهوش بليل مش لاقي هدمه كويسه البسها ...وصل بيا الحال اني اشتغل ...تصور اشتغلت ايه .
ايهاب :
اكيد شغلانه بسيطة زي ما في الرويات
مارك :
انا اشتغلت بياع انابيب طول النهار بشيل واحط وفي الاخر باخد 20 جنيه يومية تعبت ...تعتب قوي كمان ...انا مش اخد علي كده مكنش قدامي غير طريق اسهل من الشغل السرقة ايوا السرقة فضلت كده اسرق اسرق ومش حاسس بالدنيا اللي حوليا لغاية ما حصلت حاجة فوقتني ابني .
مراتي جابت ولد قلت اتوب بقير واربي ابني في الحلال لكن علي مين اللي معايا هددوني وقالولي ها يخطفوا مراتي ويبهدلوا عيلتي لو سبتهم .
ابو الجود :
وعملت ايه كملت معاهم
مارك :
لو كنت مكاني مكنتش هاتعمل حاجة غير كده خوفي علي اهلي خلاني اوافق وخلانيش اشرب علشان انسي الهم اللي بقيت فيه كل ما اروح البيت عراك وقرف مع امي وماتي كل اللي يشوفني يقولي مالك ...بعد ما ضيعتتوا مستقبلي وصلت لمرحلة انس مش مركز في اي حاجة خالص ...لدرجة العصابة هي اللي استغنت عني علشان ببوظ شغلهم
رجل المزاد :
ولك الوقت مفكرتش تطالب مساعدة من الكنيسة
مارك :
الكنيسة علشان يدولي 20 جنيه معونة في الشهر ولا علشان كل واحد يوعظني شوية ...وشوف زمايلي بتوع الكلية اللي بقي عنده مكتب هندسي واللي بقي مهندس في الشكرة الفلانية واللي ...واللي ...وفي الاخر محدش هيحس بأني ضحية ...ضحية تقاليد المفروض تناسها بقي انا اسف طولت عليكم بس انا بوعد اللي هيشغلني عنده اني هكون مطيع لاقصي درجة يتصورها وهكون مخلص هكون ليه خدام
ابو الجود :
استغفر الله يا بني خدام ايه وشحات ايه بس كلنا زي بعض والله يسامح اللي كان السبب انا واثق انك ضحية انا هشغلك معايا لا مش كفاية ان هتبناك لا انا هخليك ابني فعلا وهديلك كل ثروتي وتجيب مراتك وابنك يعيشوا معاك ومعايا
مارك :
ودا مقابل ايه انا مشفتش الحنيه ديه من حد قبل كده
ابو الجود :
نعمة الاولاد ومش عايز حاجة من الدنيا غير ابن يسأل عليا في عجزي قلت ايه
مارك :
بس اهلك هيقلولك ايه دا ممكن يقتلوك علشان هتدي كل ثروتك لواحد غريب
ابو الجود :
عيلتي دول طيبين خالص وهيفروحا بيك قوي اصلهم بيحبوا اعليلة تزيد يوم ورا التاني
مارك :
يا سلام انت ربنا فعلا بعتك ليا ...بس انا معرفتش اسمك ايه
ابو الجود :
هيفرق اسمي يف ايه انت مش لسه قايل ان ربنا هو اللي بعتني ليك يبقي خلاص بقي
مارك :
علي رأيك يعني انا اخدت ايه من اسمي القديم غير وجع القلب انا من النهاردة من اديك دي لايدك دي اعمل اللي انت عوزه في
غالي :
انا جيت اهو وجيبت الباب معايا دا طلع عيني لحد ما طلع كان معصلج قوي كأنه مكنش عايز يطلع ها قولت ايه اظن كده بقي هتدفع مبلغ كويس
ابو السعد :
انا هدفع 200 الف جنيه ايه رايك
غالي :
شكرا يا فندم مع انها كده واقفة علي بخسارة بس تتعوض المرة الجاية وانشاء الله تكون معرفة خير ، وهقبض الفلوس كاس ولا شيك
ابو السعد :
اناهكتب لك شيك بالمبلغ وانت اكتبلي تنازل عن ملكية التحف تسلمني التنازل اسلمك الشيك
غالي :
حاضر انا غالي عزيز عبد المسيح اتنازل وابيع كل ممتلكات جدي مقابل 200 الف جنيه وهذا اقرار مني بذلك
توقيع
غالي عزيز عبد المسيح
ابو السعد :
وادي الشيك اهو اتفضل
غالي :
شكرا يا فندم ربنا يخليك . ما شوفتش دنيا خطيبتي
ابو السعد :
تقصد دنيا خطيبتي
غالي :
هي خطيبة حضرتكا اسمها دنيا يا محاسن الصدف لا اقصد دنيا خطيبتي انا دنيتي
(تدخل دنيا)
غالي :
اهو دنيا خطيبتي جت الاستاذ عطانا الشيك احنا معانا ...
ابو السعد :
خطيبة مين يا استاذ دية خطيبتي
غالي
خطيبة مين انا مش فاهم حاجة دنيا انا ...انا
دنيا :
انا هفهمك احنا مننفعش لبعض انا اخترت خلاص خطيبي كل شئ قسمة ونصيب وكفاية بقي اللي عملته في ومتهيئلي انك مخسرتش حاجة حاجتك معاك حافظ بقي علي وصية جدك...ايه نسيت اديك دية (ترمي له الدبلة)
غالي :
انا مش فاهم حاجة يا دنيا انت بتعملي كده ليه دا بعمل كل حاجة ليك بتمني بس تبقي بس راضية عني دا انا فضلتك عن نفسي في كل حاجة حتي وصية جدي سدات وداني وغمضت عيني علشان مفتكرهاش علشان خطرك طب تبيعيني ليه دا انا كنت موافق ابيع اي حاجة علشان خطرك تقومي تبعيني بالسهولة دية ليه دنيا بعتيني انا غالي بعتي الغالي رخيص قوي بعتي الغالي بتراب الفلوس بس انا اللي استاهل انا اللي بعت الوصية رخيص علشان كده كان لازم اتباع رخيص انت مش غلطانة انت اسمك زي دنيتك والدنيا ديما كده بياعه بعتي نفسك علشان مليم زيادة انت متستهليش الواحد يفكر فيك يا دنيا تخدي ومتديش يا دنيا بتشتري وبتبيعي فينا ليه يا دنيا ولا احنيا اللي بنبيع في نفسنا جوبيني يا دنيا ردي عليا يا دنيا ردي يا دنيا بياعه يا دنيا
رجل المزاد :
خلاص خلصتوا يا بياعين قصدي يا حضرات احنا وقتنا قرب ينتهي ايه يا استاذ ايهاب اخواتك جايين ولا لأ .
ايهاب :
انا مش عارف بتصل بيهم ومحدش بيرد عليا
رجل المزاد :
وبعدين احنا عايزين نخلص بقي
ابو السعود :
البيعه هتضيع مني ولا ايه خلاص يا بني ميهمكش انا هشتري نصيبك ب20 ألف جنيه مبسوط ولا تزعل نفسك ولا الحوجة لاخواتك
ايهاب :
ما هي المشكلة هي هي مش هلاقي بقيت الفلوس علشان اتفق مع المطبعة
المجهول :
طب فكر كده يمكن تلاقي حاجة تانية تبعها لا تضيع الفرصة منك وتضيع انت معاها
ايهاب :
انا معنديش غير مجموعة مؤلفات صغيرة ومكتبة جمعتها في الكل المعارض اللي كنت برحها وفيها كتب نادرة جدا حضرتك ممكن تاخدها وتاخد ثلث البيت كمان انا مش عايزه بس اطبعلي الرواية قلت ايه
ابو السعود :
انا عندي فكرة انت مش عايز رويتك تنتشر وكل الناس الناس تعرفها
ايهاب :
دا حلم عمري طبعا عايز ده او مال انا بعمل كل ده علشان مين
ابو السعود :
انا هطبعلك الرواية وهديلك نسبة ربح 20 % ايه رايك
ايهاب :
انا مش مصدق انك اعظم بني ادم انت احسن من اخويا اللي من امي وابويا ياريت كل الناس زيك لو عقدت اشكرك عمري كله مش كفاية هات ايدك ابوسها
ابوالسعود :
بس علي شرط
ايهاب :
انت تأمرني لو طلبت عيني اديهالك دلوقتي
ابو السعود :
ربنا يخليلك نور عينيك ...انا بقول يعني انت قدامك عمرك كله وممكن تكتب رواية وتنين وثلاثة يعني لو اتنزلت عن ارواية دي باسمي مفيش فيها مشكلة
ايهاب :
ايه ...روايتي ....؟!
ابو السعود :
اسمع بس بعلي رويتك دية وبعد كده اعمل بالفلوس اللي انت عوزه اكتب الف رواية جديدة اتمتع بحياتك اعمل بيها اللي عوزه مش هتلاقي عرض احسن من كده
ايهاب :
انت بتقول ايه ابيع الرواية انت اكيد بتهزر ابيع ايه ابيع ايه مش ممكن طبعا
ابو السعود :
مضيعش الفرصة دية منك الحظ بيخبط علي باب البني ادم مره واحدة بس او مفتحش ورحب بيها بيضيع منه فاهم يضيع منه فكر قبل ما تجاوب
ايهاب :
انا موافق اتنازل عن الرواية بس توعدني انك تنشرها في طبعة كويسه وتطبع منها نسخ كتير مش هوصيك عليا انا بعت كل اللي قدامي علشانها وانت عارف الرواية دية عندي غالية اد ايه ...ارجوك خلي بالك منها
ابو السعود :
يا سلام... يا ايهاب افندي في عيني وتبقي تتفضل في اي وقت تسليم الشغل عندي في مكتب المقولات بتاعي
خد ادي مخالصة البيت . من بكره تاخد الناس بتوعنا وتهد البيت ونطلع المستخبي كله ..اثارات فرعونية تساوي ملايين
ابو السعد :
ها نعمل ايه في بقيت الناس اللي سكنا فيه
المجهول :
احنا ورقنا سليم وقانوني 100% ولو حتي ممعناش حق في هده اللي معانا هايسعدونا ولا ايه وبالنسبة بقي لاخواته قدمهم حلين يا يخبطوا راسهم في الحيط يا يبيعوا زي اخوهم ولا ايه ...ها ها هاها ..


موقع ,الكتاب ,المقدس,الاخبارى , يقدم , كل , ما ,يفيد , الاسره , المسيحيه , والعربيه , من مرئيات مسيحية , وترانيم , والحان , ولغه قبطية, ومعجزات , وتاريخ كنيسة, وطقس كنسى, وسير قديسن,وسير قديسين معاصرين , وفضائل القديسين, ومعجزات القديسين ,واقوال الاباء الاباء القديسين ,واصوام الكنيسة ,المسرح ,والاخبار العامة, والاخبار المسيحية ,والخدمة,والعظات,الصحة والرشاقة,الصور,المعلمين, اكواد , تطوير المواقع ,الكتب , الموبيلات,كمبيوتر وانتر نت,منتدى العدراء,القراءات اليومية ,الطفل, البابا شنودة,البابا تاوضروس,الكتاب المقدس,المطبخ المسيحى,مسيحيات,برامج القنوات المسيحية,قراءات الكنيسة القطية ,,والمرأه , والصحافه, بالاضافه , الى , المنتديات, العامه , والاخبار , المسيحيه , والكتاب, المقدس,News,English,Fathers of the Church Alarzkse, ,Interpretation of the Bible

موقع الكتاب المقدس الاخبارى هو اول موقع قبطي اون لاين يهتم بالاخبار القبطيه





lsvpdi [hl]i r,,,,,,,,,,,,,n " [vi rgl

 اشتراك في جروب موقع الكتاب المقدس الاخبارى ليصلك جديد الافلام الترانيم الاالحان الاخبار الكنسية على الميل

البريد الإلكتروني:

بعد ان تقوم بادخال بريدك ستصلك رسالة باسم Confirm your subscription أضغط على الرابط الموجود بداخلها لتفعيل حسابك












آخر مواضيعي » لحبيبنا الاطفال ترنيمه " انا بطه صغيره "
» ترنيمه " يا من عطيتى "
» ترنيمة طوباكى أختارك
» ترنيمه " حبك يا مريم "
» ترنيمه عالى لفوق
عرض البوم صور يعقوب   رد مع اقتباس
إنشاء موضوع جديد  إضافة رد

مواقع النشر (المفضلة)

« مسرحيه طحن " شمسك لن تغيب " | مسرحيه " انا مت خلاص " »

الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
مسرحيه جامده " مدينه الحياه " يعقوب نصوص مسرحيات مسيحية 0 02-12-2012 12:45 PM
مسرحيه " مملكه الشياطين " اووووووووووووووعى تفوووووووووتك يعقوب فيديو مسرحيات وعروض كنسيه 0 02-10-2012 03:46 PM
مسرحيه فديو جميله مووووووووووت " يسوع على الباب " يعقوب فيديو مسرحيات وعروض كنسيه 0 02-10-2012 03:36 PM
مسرحيه جامده مووووووووووووت " هروب " يعقوب نصوص مسرحيات مسيحية 0 02-08-2012 06:10 PM
مسرحيه متميزة " قوتى فى الضعف تكمل " يعقوب نصوص مسرحيات مسيحية 0 02-08-2012 05:57 PM

Loading...

Bookmark and Share

RSS RSS 2.0 XML MAP HTML

الساعة الآن 01:47 PM

أقسام المنتدى

منتدى المرئيات المسيحيه | ترانيم وكليبات روحية | مرئيات مسيحيه | منتدى الاخبار | فديوهات عامة | قضايا ساخنة | صور عامة | منتدى المرأة والجمال | ذهب ومجوهرات | منتدى البابا شنوده | عظات البابا شنوده | تأملات البابا شنوده | المسرح الكنسي | نصوص مسرحيات مسيحية | فيديو مسرحيات وعروض كنسيه | منتدى الخدمه | قسم مدارس أحد خدمة أبتدائــى | قسم خدمة أعدادى | منتدى كمبيوتر و انترنت | الكمبيوتر والبرامج العامة | البرامج المسيحية | برمجة وتصميم وتطوير المواقع | الجرافك والفوتو شوب | منتدى الموبيلات | برامج الموبيل | الثيمات | صور للموبيل | نغمات الموبيل | رسايل الموبيل | منتدى الصحة والرشاقه | الرجيم | عالم الموضة والجمال | ضحك وترفية | كاركتير | الأخبار العامة | الأخراج وادارة المسرح المسيحى | الموسيقى التصويرية | فيس بوك | عروض و طلبات التصاميم والدعم الفني والبرمجة, | اسئله البابا شنوده | معجزات البابا شنوده | قسم خدمة ثانوى | قسم خدمة أجتماع الشباب وأجتماع الخريجين | قسم خدمة أعداد الخدام وأجتماع الخدمة | قسم مهرجان الكرازة | ترانيم صوتيةام بى ثرى | ترانيم مكتوبة وورد وبوربوينت | موسيقى ترانيم وافلام ومسرحيات مسيحيه | صحة | منتدى الكنيسه الارثوذكسيه | تاريخ الكنيسة القبطيةالارثوذكسية | طقوس الكنيسة القبطية الارثوذكسية | التسبحة والألحان | تعليم اللغة القبطية | الاخبار المسيحيه حول العالم | منتدى الكتاب المقدس | تفسير الكتاب المقدس العهد القديم | قسم تفسير الكتاب المقدس العهدالجديد | دراسات وابحاث فى الكتاب المقدس | مخطوطات الكتاب المقدس بلغاته الأصلية | رجال ونساءالكتاب المقدس | منتدى العدراء | حياةام النور | تأملات فى حياه العذراء مريم | ظهورات العذراء مريم حول العالم | معجزات العذراء ام النور | منتدى الكتب | الكتب الأرثوذكية | كتب عامة | طلبات كتب | كتب تصميم وبرمجة | منتدى القديسين | سير الاباء القديسين | سيرالاباء القديسين المعاصريين | معجزات الاباء القديسين والقديسات | تعلم من فضائل القديسين والقديسات | تماجيد ومدائح الاباء القديسين | ترانيم العذراء والده الاله | منتدى الطفل | ترانيم اطفال مسيحية | قصص د ينية مسيحية للأطفال | صور تلوبن مسيحية | اسامى اولاد مسيحية | اسامى بنات مسيحية | منتدى صور مسيحية | منتدى صور رب المجد | منتدى صور العدراء مريم | منتدى صور القديسين والشهداء | منتدى الصور العامة | منتدى القراءات اليوميه | البولس اليومى | الكاثوليكون اليومى | الأبركسيس اليومى | الأنجيل اليومى | المزامير اليومية | منتدى برامج القنوات المسيحيه | الديكور | منتدى المعلمين | الجودة | اخبار التعليم | تبادل خبرات | الأسرة المسيحية | برامج قناة سى تى فى | برامج قناة اغابى | القراءات اليومية من الكتاب المقدس | اسأل وأعرف | منتدى اقسام تطوير المنتديات | قسم تطوير منتديات vb3.8.xِ | منتدى أكواد منتديات | اكواد جافا اسكربت | ايات على حروف | منتدى الأدارة Administration | المواضيع المكررة والمحزوفة | طلبات واقتراحات الاعضاء | منتدى الاصوام | صوم الميلاد | صوم نينوى | الصوم الكبير | صوم الرسل | صوم العدراء | صوم الأريعاء والجمعة | منتدى العظات | عظات عن الاتضاع | عظات عن العطاء | قسم شروحات البرامج | اكواد عاديه | English | Egyptian Christian News | the Bible | Fathers of the Church Alarzksé | منتدى المطبخ المسيحى | الأكلات الصيامى | الأطباق الرئيسية من جميع البلاد | قسم الأسماك البحرية | قسم المشروبات الساخنة والباردة | قسم العجائن | السلطة والمخلل | قسم الحلويات والمعجنات | وعد ربنا ليك انهاردا من الكتاب لمقدس | منتدى مسيحيات | تأملات روحية يومية | معجزات روحية | الحان وقداسات | عظات روحية ولاهوتية | قصص روحية مسيحية | صلوات الاباء من الكتاب المقدس | القاب رب المجد | برامج قناة سات 7 | برامج قناة مارمرقس | قسم شروحات Google | مواضيع تاتى عن طريق الآر أس أس | الكتاب المقدس المسموع للآطفال | أقوال آباء قديسين | آقوال آباء قديسين عن الإتضاع | أقوال آباء قديسين عن الإفراز | أقوال آباء قديسين عن المحبة | أقوال الآباء القديسين عن الصلاة | أقوال الآباء القديسين عن الطاعة | طقس الكنيسة فديو | مسابقات فى الكتاب المقدس | قراءات الكنيسة الطقسية | الدفنار | أ بصاليات واطس | أبصاليات آدام | صلوات الخدمات | كلمة منفعة | منتدى البابا تواضروس الثانى118 | عظات البابا تواضروس الثانى 118 | رحلات البابا تواضروس الثانى 118 | رسامات البابا تواضروس الثانى 118 | لقاءات البابا تواضروس الثانى 118 | تفسير الكتاب المقدس للقمص تادرس يعقوب ملطى | تفسير عهد جديد للقمص تادرس يعقوب ملطى | شخصيات كتابية (شخصيات الكتاب المقدس) | الكتاب المقدس المسموع والمقروء | تفسير الكتاب المقدس للقس انطونيوس فكرى | تفسير الكتاب المقدس متى بهام | شهر كيهك | منتدى المسابقات | مسابقات دينية مسيحية | مسابقات غير دينية | منتدى تعليقات وتغريدات | التعليقات المفيدة على شبكة التواصل الاجتماعى الفيس بوك | التغريدات المفيدة على شبكة التواصل الاجتماعى التويتر |



Powered by vBulletin® Version 3.8.7
Copyright ©2000 - 2014, vBulletin Solutions, Inc.
جميع الحقوق محفوظه لموقع الكتاب المقدس الاخبارى
This Forum used Arshfny Mod by islam servant
اختصار الروابط